Asko gara txistua bihotz-bihotzez maite dugunak. Elkarrekin lana egitea nahiko nuke urteetan zehar txistuaren garapena oztopatu duten muga geografiko eta psikologikoak ezabatzeko. Lan asko dago egiteko oraindik instrumentu honek bere ahalmen osoa munduari erakutsi diezaion.

 

"Txistu Symphonic" lanari esker, orkestra baten aurrean eta bakarlari moduan bere errepertorioa erakusteko aukera izan du txistuak lehen aldiz.

ENRIQUE UGARTE

MUSIKAGILEA, MOLDATZAILEA eta ORKESTRA-ZUZENDARIA

​

"Txistua bi eratara batu dakioke orkestra bati: bakarlari moduan orkestraren akonpainamenduarekin edo orkestraren instrumentu bat gehiago bailitzan. Aurreko esperientzia batean, bi txistu gaineratu nizkion orkestra bati, bakoitza bere danbolinarekin; neuk konposatutako Kalejira euskal dantza sinfonikoan, hain zuzen ere. Haiei gabe ezinezkoa izango zitzaidan piezari eman nion kolore autoktonoa lortzea.

 

Txistu eta silboteak flauta eta piccoloen kolore alternatibo gisa erabili daitezke. Haien ordez edo haiekin batera erabiliz, soinu-ñabardura berriak gara daitezke".